علاء منصور : للناس اللى بتسألنى بحب تونس ليه

وأضاف  الفنان المصري :

"لما تبقى حتة من أوروبا جوة أفريقيا بخضار أرض و قلب 

• لما تبقى الجبال الخضراء حاضنة البحر الأبيض المتوسط 

• لما تشوف البيوت البيضاء بأبواب زرقاء فى سيدى بوسعيد و سيدى ظريف 

• لما تقعد قعدة حلوة على ال Lac أو فى قمرت أو الحمامات و سوسة و جربة و عين زغوان 

• لما تلاقى شعب مثقف و شيك بيتكلم عربى و فرنساوي على الأقل.. 

• لما تلاقى الست ليها وضعها و واخدة حريتها و المجتمع كله بيحترمها 

• لما تشوفوا إحترامهم لبعض و نظافة شوارعهم و إحترامهم للشرطة و جيش بلدهم 

• لما تشوفوا حبهم للمصريين و عارفين قيمة مصر و تاريخها و مواقفها وسط الوطن العربى و العالم كله 

هتعرفوا ليه بحب تونس الخضراء

يعيشكم و بو زينكم و محلاكم "